كتبت / الأستاذة ايمان فتحي
ناس كتير عندها خلط في المعلومات أن الزوجة التي تقوم برفع دعوى خلع أنها ليس لها أي حقوق عند الزوج وهذا خاطئ بالطبع، فالزوجة عند قيامها برفع دعوى خلع تقوم برد مقدم الصداق للزوج وده بيكون مدون في وثيقة الزواج وغالبا بيكون عشرة جنيهات ..
وبعد توجيه انذار برد مقدم الصداق يتم رفع الدعوة الخاصة بالخلع، طيب يا أستاذة إيمان يامحامية ما هي الأشياء التي تتنازل عنها السيدة التي ترفع دعوى الخلع ؟
ما تتنازل عنه السيدة هي : العدة والمتعة والمؤخر وإذ كان ليها مجمد نفقة، طيب يا أستاذة والقايمة بتاخدها بالكامل يعني الذهب والعفش وكل ما مدون بقائمة أعيان الجهاز، وهل كدة الخلع بيخليها تتنازل عن أي حق من حقوق الصغار ؟
هرد علي سيادتك واقولك لا طبعا ليكي تمكين من مسكن الزوجية منفرداً لو بعد الطلاق ولو مش حابة تمكين من مسكن الزوجية لكي تكتبي عقد إيجار من اي مؤجر وترفعي أجر مسكن وغالبا الحكم بيكون ضعيف جداً.
متى تلجأ الزوجة لرفع دعوى خلع؟
امته الزوجة تلجأ للخلع ؟
لما بتبغض الحياة الزوجية وبتكره الزوج وتخاف يتم التقصير في أي حق من حقوقه فتقوم برد مقدم الصداق وتنازل عن جميع حقوقها الشرعية.
خلي باللك ياست البنات الخلع الحكم فيه نهائي وعشان ترجعي لسبع الرجال بعقد ومهر جديد
وجهة نظري اي راجل يوافق اني الست توصل لمرحلة الخلع يبقي راجل منتقص رجولته للأسف ..
أشياء كثيرة يامحترم أول ماتحصل خلافات لا حل لها وبعد تدخل ومحاولات الإصلاح من الغريب والقريب وفشل هذه المحاولات فلو قامت زوجتك بعمل إنذار مقدم صداق تقولها تعالي يا أم العيال واطلقك على الإبراء وهو وهي بكامل كرامتهما ياسيد الرجال.
انا كإيمان لا احترم أي راجل يحاول إجبار زوجته على البقاء في عصمته ويصمم أنه يبقى (سيد المخلوع) اتقي الله في نفسك وأولادك وابعت حد وخدها عند المأذون وطلقها ما دمت هي كرهت عشرتك وحياتها معاك.
اقرأ أيضا: